chuan姐傳來嘅Blog Tag，有成廿幾日啦，因前排忙到反艇，搞到宜家先來寫，多有怠慢，罪過罪過...
1. 第一日踏入你要入讀的中學，見到什麼令你最難忘？
間學校啱啱豪裝完，度度都係雲石、不鏽鋼，銀光熠熠，冇乜書卷味，反而似酒店。九成同學來自同一間小學，第一日返學就開p咁，得我一個舉目無親。
2. 中一係拎個咩樣書包？
giordano粗布背囊，軍綠色，淺啡帶。
3. 中一的班主任還記得叫什麼名字，教你什麼科目嗎？
姓名不值一提，女的，教英文，講一口流利英文，鼻高高，樣端莊，時有白眼，頗有一副英殖民走狗官僚的嘴臉。
4. 還記得第一個主動跟你結識的同學是誰嗎？現在還有聯絡嗎？
黃x裕，他家開校服店，但掛羊頭賣狗肉，明明賣胸圍為主，中六時還去過他店買過校服，那廝始終不認自已是胸圍店少東，我們只好公認。
5. 中一時參加了什麼課外活動，對你日後有大影響嗎？
去咗幾個學會，後來一概退出，結論是：所謂課外活動，其實都不過是新晉教師與高年生充實履歷的一場爛騷。
不踢人了，呢個tag應該都接近玩完啦......唔好意思啊chuan姐。
